***** امنية *****
ياملاح السفينة اللى مسافرة بعيد
نفسى اعيش الباقى من عمرى سعيد
خدنى ودينى لجزيرة اكون فيها وحيد
*****
جزيرة مافيهاش أخ بيشيل لى فى قلبه غل
ولا فيها صاحب يخوننى ويبين لى أنه خل
ولا فيها شهوة رخيصة أو رغبة تخلينى أزل
*****
جزيرة لا فيها حد يأذينى ولا آذى الغير
واصاحب الهوا والموج والشمس والشجر والطير
وارقص مع النجوم والقمر واغنى للسلام والخير
*****
ويبقى الموج هو الأمير والصولجان والفارس
والقمر يبقى الخليل ونوره الحاشية والحارس
وانا ارمى احلامى فى وسط الميا تنقرها النوارس
*****
واعيش الباقى من عمرى سعيد
ياملاح السفينة اللى مسافرة بعيد
**************************
الشاعر والقاص
جمال عمران
ليست هناك تعليقات:
إرسال تعليق