عايش ومش عايش
،،،،،،،،،،
بيقولو عنك بتحبى
الكلمه الجريئه
وكمان قلبك أبيض
وانك بريئه
إسمعيها منى بهدوء
ولا اقلك بصرخه وزعيقه
،،،،،،،
عايش انا ومش عايش
دافن الحلم بإيدى
وعلى قبره انا فارش
بشوف الدنيا من بره
متفرقش حلوه أو مره
عايش انا ميت
وهى دى الحقيقه
،،،،،،،،،،
وبلدى قلبها أسود
قوى وقاسي
وشرط الحياه فيها
انى اوطى راسي
ولو أعيش فيها مره
تموتنى بميت طريقه
،،،،،،،،،
أنا المغلوب على أمري
أنا اللى قضيت فيها عمري
أنا اللى حبيتها موت
وقلبى جواه حريقه
،،،،،،،،،،
عارفك تحبى اللى يغشك
واللى يضحك ف وشك
وتكرهى موت
اللى يقلك الحقيقه
،،،،،،،،
طيب ليه وخدانا تلطيش
تعبنا وانتى مبتحنيش
أخدتى حتى هدومنا
ولبستينا بدالها خيش
بذمتك ده يرضى مين
يا شيخه متعبتيش
وفين الفرج اللى
بعد الضيقه
،،،،،،،،،،،،
يعنى اكرهك
مش قادر
ما هو انا ابنك
ومش فاجر
طيب اسيبك
أو اهاجر
ولا اعمل زيهم
وبيكى اتاجر
ولا يعنى اسرقلى سريقه
،،،،،،،،،،
تعليم وعلمونا كلام
خلصنا وقلنا تمام
شغلونا ومش هنقول بكام
شوف الطيبه ههههه يا سلام
روح شوفلك قهوه
كح تراب وارجع نام
ولاد الفقرا ملهمش مقام
وولاد البهوات يتعينو
فى دقيقه
،،،،،،،،،
وشايف فيكى الغلط
أكلتينا حتى الظلط
واللى يقول اه يا بوى
او يهلفط بالعبط
تخلعيه يا بلدى ملط
وتفضحيه فى سويقه
،،،،،،،،،
علشان كده شايف
ومش شايف
علشان كده هعيش
جواكى خايف
ولو دهنتى الجرح بملح
او حتى قطعتينى لفايف
هسكت وأقوووول
لها روقه وفيقه
كلمات وأداء / شاعر الأقصى
ليست هناك تعليقات:
إرسال تعليق