وصانى أبويا زمان
أوعاك يا ولدى ألناس
فيهم كتير ألوان
وكل لون له راس
لو عشت فيها جبان
من ألكل راح تنداس
لو شفت يوم ألغلط
وسكت تبقى مداس
أقف فى وش ألغلط
لو أهلو أتخن ناس
وعشها يا ولدى بأدب
فى ألدنيا تكسب ناس
و أوعك تعاشر ولد
ندل وملوش إحساس
عاشر يا ولدى أصيل
طبع ألأصيل من ماس
لو غبت هايردلك
لو جابو سيرتك ناس
وقرب يا واد لله
متقولش زيي فى ناس
لو خدت حد مثال
بص لأحسن ناس
يابنى إللى ربه يحبه
بتحبه كل ألناس
.................
موال وصانى ابويا
بقلم محمد ناصر
ليست هناك تعليقات:
إرسال تعليق