انا خيرى كتير وبالقفة
وفرشى حصير و وبالسلفة
عايش للغير بدون كلفة
هاوى التسخير مافيش صرفة
وعمرى اجير مافيه حرفة
انا المصرى العليل عمرى
ذليل عصرى سقيم ضهرى
باكل نفسى وانا بهرى
كاتم نفسى شارب قهرى
ولا عاجب كمان صبرى
فقير وعايرونى بفقرى
ونا هبين قوتى من بدرى
ووعبء ودين على ضهرى
انا المسكين سبب فى الدين
بلاه للدعم وبلاه تموين
بلاه العلم والمصاريف وعيش تخمين
بلاها الصحة قول تخريف يا حزين
منين هنجيب فلوس التحطيب
والف خطيب يقول عن غيب
مافيش فرصة ولا فى نصيب
ولعبة تصيب وعشرة تخيب
وانا الملزوم اعيش محروم
وهمه الجيب لهم مخروم
ويمشى دول وييجى تانيين
ونفس القول ونفس السين
ولافى عدول يقولوا الزين
وهفضل عمرى انا المسكين
وخيسرى كتير وفرشى حصير
ونفسى فى يوم اشوف تغيير
مصطفى قمر
ليست هناك تعليقات:
إرسال تعليق