(((( إوعى يا عينى ))))
اوععى تبُوحى يا عينى بدمعك
مهما تجُودى ما حدش سامعك
غير الليل وعزابه وأساه
يا ما قالولى يا قلبى انساه
***
اشهد يا زمان واشهدى يا ليالى
ع اللى ما فارق لحظه خيالى
واللى ما راحش فى يوم عن بالى
واهو من بعدُه اتغير حالى
والله ان ضاعت منى الدنيا
وعمرى فى وسط الاحزان تاه
لا افضل اقول اننى با اهواه
والله ما ها اقدر لحظه انساه
***
اوعى تبوحى يا عينى بدمعك
مهما تجودى ما حدش سامعك
هَجْر الاحباب كله عزاب
حتى ان كان الهجر عتاب
مين هيخش علينا الباب
بعد ما راح أغلى الاحباب
***
نار البُعد يا عينى كاويانى
وانا ما نسيت ازاى ينسانى
بُعد حبيبى يا عين بكانى
كان أهلى وكان كل زمانى
يا ما قالولى يا غالى انساك
طول العمر انا ها استناك
لِحَد ما يجى اليوم وهايجى
حتى فى قبرى أكيد ها القاك
***
بوحى ياروحى لقلبى بدمعك
وانا ها اتحمل وافضل اطاوعك
***
شـــاعر القريــه
فـيـصـل بـدر
ليست هناك تعليقات:
إرسال تعليق