شطرنج
ملك واقف وقدامه
طابور مرصوص من العسكر
وطابيه شمال وطابيه يمين
بياكلو اليابسه والأخضر
وجنب الطابية تلقى حصان
بيمشي شويه وبيكسر
وجوز أفيال كروشهم بير
وعنده وزير
ملوش شغله
غير التفكير
ف دهس العضم والتكسير
وفي السرقه حرامي كبير
دا مش شطرنج
دي عصابه
ودا مش لعب
دي غابه
ولا دي الدنيا اللي احنا عرفناها
ولا دي الدنيا اللي كبرنا جواها
وليه بابك يا مولانا
عليه العنكبوت عشّش
وبيض الحيه من فوقه
ماليه السم وممشش
وراصص عسكرك حواليك
عشان يحميك
أمل كداب
دا بكرة الشعب هايكشش
وبكره المُلك ده هايزول
وراح تاخد لقب معزول
ولا هايفيد وزير سعران
ولا هايفيد كلام معسول
عادل ابوزيد
ليست هناك تعليقات:
إرسال تعليق