سؤال.....حنان راشد

 (سؤال)
كتير بسأل لروحي سؤال
وإيه فايدة تكون كاتب
تكون شاعر
وتنسج م الحروف موال
وإيه يعني يقولوا لك حلو
يقولوا جميل
كلامك يتوزن بالمال
وإيه يعني تلاقي الناس
تسقف لك .يقولوا بديع
جميل حرفك
لطيف شعرك
بتكتب شئ كأنه خيال
وإيه فايدة الكلمة
مادام الكل بيهلل وبيطبل
وبيقولك ياعال العال
مفيش فى الدنيا أوصافك
وزيادة فى انصافك
يقول يافارس الكلمه
ياماسك لجام الشعر
وراكب ع الحروف خيال
خلاص مليت من الطبلة
وم المزمار
ومن قولة أنا كاتب
أناشاعر . أناحاسس
بشئ بطال
كتير تصعب عليك نفسك
وتنسى بكره مع أمسك
تلاقي الكلمه مغلوطة
تقولها جميلة بنوته
كبيرهاتغني فطوطة
يهنوها . يغنوالها
يقوالوا ياكاملة الأوصاف
ياست الحسن كفاياكي
دلع ودلال
ياناس الكلمة دى رسالة
يحاسبنا عليها الله
فابيكفي تكون آله
تكون فى ساقيةدواره
ومتغمي على عيونك
ومش شايف ياولداه
حنان راشد
٢٠١٧/٥/١٧