نفسى اشوفلك يا وطن حاكم نظيف
من حكم مينا زمان لحكم احمد نظيف
كل حكامك يا بلدى ظالمة ومعاهم الوطن
بعت ولادك يا وطن لجل شوية تاريخ
وحكامك معاك كل ال عايز يبنى لنفسة مجد
يعمل هرم ولجل عيونة يموت 2000 شريف
اقول على مينا خوفو خفرع ولا منقرع
بيقولوا الجزاير صاحبة المليون شهيد وانا مكذب
طيب احسب ال مات حدانا ووالله هتصدق
لما تقول الاهرمات تموت فيها الالفات
وابو الهول ومعابد ورسمات وحكايات
بتعرف تعد طب وقناة السويس كام فيها مات
خدنا اية منك يا تاريخ غير موت ولاادنا
قصدى ابويا وجدى قصدى احفادنا
كام هتاكل يا وطن ولسة مشبعتش
تعرف يا وطن كنت لى بيت وفيك اوضة مقفولة
نفسى ادخلها وحقى اللقى الرقبة مخنوقة
اصرخ واقول بحبك يا شرم وحشتينى
واقسم بالله لو برة بلدى لاجيلك واشوفك
يجى الغريب يشوفك وانتى حرمتى علية
يا ترى العيب فيكى ولا سلطانك بكى عنية
افتكرلك اية يا وطن وانت دايس على ناسك
كل ال يعلى فيك يبنيك تنهشوا حراسك
خدنا اية من تاريخك غير شوية حجارة نصهم برة
يلى تعرى فى ولاادك وتكسى الناس برة
الناس تموت مرة واحنا شبابا لجلا يعيش يموت مليون مرة
لقمة اية ال متعاصة زل وطين وبرود
لما اللقى ال برة جوة وال جوة على الحدود
سمعت جابوكى يا طابا وعدتى قال لينا
بامارة اية ال كام فندق ولا بامارة المينا
ولا اسرائيل يا طابا عرفت تراضينا
الاسم مصرية والوشوش مصرية والقلوب طينا
عارفينها سودة واسرائيل من تحت لتحت بترازينا
ضحكت يا حسنى على ناسك بالكلام
والعالم كلة سقافلك وقال رمز السلام
طب نسيت سالم اكس بريس طب نسيت السلام
اهى بواخر بتغرق والوفات عليها السلام
والتخفيض علينا داير وال يطلع فينا يموت نصة
وال عايز يهرب من البلد عن طريق البحر ميت
وال قاعد فى بيت ابوه عليا الطلاق ميت
وال مات فى ثورة وال مات فى ميدان
اهو حسنى خد براءة ياترى مين اللى مدان
#محمد الشاعر
ليست هناك تعليقات:
إرسال تعليق