سي السيد
مليانه الدينا معاني
واديها كتير وجعاني
وان قولت ف يوم اه ياني
تديني كمان وتزود
مانا اصلي ماليش ف الطيب
والناس الوحشه تعيب
فكرت ف يوم اتغيب
لقيت العقل محود
تعبان واللهي يا امي
ولامته اشكيلك همي
واللون الاسمر دمي
محروق والجسم اتعود
عطشان للميه الصافيه
وان جاتنا ف يوم بالعافيه
ف رمال الصحره الدافيه
راح اكتب بالدم واجود
راح اقول حياكي بلادي
وابدر ف الارض سمادي
والخضره تعم الوادي
ويقولو بايد سي السيد
ازرع فيها الحب بايدي
واروي الزرع بدم وريدي
واجني ثمارك يوم عيدي
وبكل الحب ف ارضي نعيد
واشوف فيكي خير يابلادي
واروي بحبك رمل فؤادي
ويفرح بيكي كل ولادي
ويقولو احنا ولاد سي السيد
ياسر مهدي عمرو
ليست هناك تعليقات:
إرسال تعليق