خاص بالمسابقة
قصيده عاميه باسم
--غاليه
- امي وحشتك ؟؟؟---واشتقتي لي ؟؟ ---ولسه ياامي يهمك همي --وبتدعي لي ؟؟؟ --ولسه يامي بتسالي عني --ولا ياغاليه خلاااص نستيني ؟؟امي وحشتك ؟؟واشتقتي لي ---زي ماشوقي في قلبي لشوفتك ---لنظره عينك -- لبسمه سنك --لنومه ليدي في احضان ايدك --بقي فيضان اخزان --- غضبان بزياده --وكل ماقول للامواج هدي ----اشواق قلبي تقول لها زيدي ---بعدك يامه حقيقي موجوع -- لو للماضي يا امي رجوووع ؟؟؟--- ولو لدقيقه --هيا دقيقه--اقدر فيها --ابوس لك ايدك --اتاسف لك --تتمني ؟؟ ازيدك --وارمي في حجرك تفاصيل عمري -- واسمع منك --- وبردو اشكيلك --وبردو اتفلسف زي زمااان ---وانتي بصبرك تفتحي صدرك --ببوسه في خدي او تدعي لي --وادفن ليلي في نور قناديلك --وامرمغ خدي تحت اقدامك ---واقف قدامك --كاسر عيني ذليل خدامك -- هيا دقيقه --عمرك يامه ماكنتي بخيله --ياجدول ضي وناي ونخيله -- وجالك قلب 00تسيبيني في حيره --لاقادر ادافع عنك حتي ؟؟ ولابايدي حيله --شبت انا يامه --وحتي احلامي الغلبانه شابت ---وغيبتك يامه المره دي طالت-- --وانا لا مولف ولامتعود --علي دي الغيبه --كان آخري استحمل --غيبتك ليله 0 وليله كتيره --- وانت الفاهمه والفرياني --- وعالاصرار والخير والصبر --وعالتضحيه مربياني --وانتي البايعه العمر بلاااش --مخصوص علشاني --كنتي فؤادي وضهري وسندي --وكنتي لساني وكنتي بياني --وكنتي الدر والقوت والضي -----وكنتي الجود اللي مالوش زي ----وكنتي ضميري الصحي الحي-----في ظلم زماني الاعمي الجاني ---اللي بسهم جنانه رماني --وخدك مني رغمن عني ----لو كان يامه للموت ام ---كان قلبه دق ؟؟؟ او يمكن رق ؟؟؟-----وسابك حيه --- وليكي نعاني----انا ؟؟ مشتاااااق --مشتاق مشتاق ---دا أنا درويشك------ وانا حواريكي مريدك تابعك --- نفسي في ضمه ----نفي في شمه -- مشتاق مشتاق -- مشتاق يامه لو كان يامه للموت ام ---كان سابك عايشه وليكي نعاني ------
فرج السقا
خاص بالسابقه -- عاميه
ليست هناك تعليقات:
إرسال تعليق