((((الرب بيســـــامح ))))
**********
قام م النوم
حط الكنكه على البتوجاز
واتوضا وصلى الصبح
كان ناوى يطول فى سجوده
تقريبا
كان عايز يستفسر من ربه
ايه الحكمه ان احنا نموت
وازاى ان اتنين اخوات
فى البيت
أو حتى اتنين اصحاب
فى الغيط
واحد هيخش الجنه
والتانى هيُــخلد فى النار
وازاى ان البشريه تعمر كون
وفــ لحظه الكون ينهار
افتكر الكنكه وكباية الشاى
قام من غير مايسلم
صب الشاى
ولأول مره
بشرب شاى من غير سكر
ما هو حتى ما عدش بيفكر
ولا عادر عارف
يبدأ من فين التفكير
******
سحبِـته رجليه ع الغيط
واتمدد تحت الصفصافه
والهوا بيداعب أغصانه
عصافير بتحط
وعصافير بتطير
إفتكر ان صلاة الصبح ما كملتش
وافتكر انه كمان ما قفلش الباب
وافتكر امه وابوه
وافتكر الأصحاب
وافتكر الأحباب
والأغراب
قام ...
جاب حطبه وخط على جدار بالطين
أنا فيصل بدر
أمى الدنيا
وابويا الليل
والأرض سريرى
وغطايا الشتا والشمس
وانا عارف
إنى مقصر فى حقوق الرب
واللى انا متأكد منه
إن الرب بســـــــــــامح
*****
شاعر القريه
فيصل بدر
*****
ليست هناك تعليقات:
إرسال تعليق