التوفيق ! / بقلم /حسن رمضان

التوفيق !
لو لقيت توفيق هتعرف
إن أمه الاستقامة
واللى حبه ربه يمشى
طاهر النفس ف سلامة
وان لقيت نفسك بتخلِص
تبقى دى هى العلامة واللى عايش يرضى ربه
يمتعو بعزة وكرامة
إنما اللى غواه شيطانه
دق على باب الندامة !
بكره يتسلسل فى ديله
ويلعنه يوم القيامة
توب عشان ترجع لأهلك
فى الجنان تتهنا ياما
حد يبقى الجنة فاتحة
وهو لجهنم حمامة ؟!
ريحة التوفيق جميلة !
تشمها ازاى بالكمامة ؟!
والكمامة ذنوب كتيرة
تشوَّه النفس بدمامة ! ياترى فاهم نصيحتى
ولا اركبلك "فهَّامة " ؟!!
حسن رمضان