صوتي عالي/ بقلم/طارق السيد

حقوق فكريه الكترونيه

صوتي عالي
-------------
اكتم دموع الحزن واسجنها كلها
واغلق رموش العين علي مابها
فالصمت عنوان الروح
والغربة اهلها
..
غربوني وانا وسطهم
وعليا اهلي داسوا
غربوني وغمضولي عيوني وراحوا
غربوني عنهم
وسربوني كيف القطط
لما حسوا ان صوتي في الحق عالي
وفي العلالي
و اه الوجع من الغلط زي الغلط
مربوطه بيا في كل وريد وانا بداري
بس لما يزيد الحزن وانا بهاتي
ولما كرامتي تبقي الشئ الباقي في حياتي
واحس الوجع لما جرحوا كبريائي
فيبقي صوتي عالي
واحس اني حي
يتعبهم صوت الحقيقة وذاتي
فيلفوني في كفن مماتي
ويدفنوني ولا اي زي
وانا برضو حي
ولما اقول لآ....كرامتي وجعاني
القي ميتين الف جزمه علي لساني
بيسكتوني
ولآبعد مكان يغربوني
عمري ماكنت خبيث ولا قلتلهم شروطي
ولما الدنيا تغلبني اقول خلاص
شوطي
ما انا من زمان تهت عن شطوطي
واتمرمطت في ترابك وانتي بتدوسي
دوسي كمان
خلاص اخدت عالوجع
غربوني لابعد مكان مش حانجزع
بس تسيبولي اخر شئ من غير وجع
كبريائي
دا عندي غالي
ومكانه عالي
خليكوا انتوا دفيانين ..ومتجمعين
وغربوني زي العتاه المجرمين
لمة الظلم ساعه
وانا حبي بطول النهار
انا مدفيني قلبي من غير انكسار
ماتفكروش ان قلبي راح ينهزم
قلبي براح
بس للي يعرف يحترم
صلة الرحم والمحبة وحلو الكلام
غربوني
وغمضوا لي عيوني
وسريوني لابعد مكان
وابعدوني
كبريائي هوا هوا صدقوني
الحق باقي
والصدق باقي
والحب باقي
واه الوجع بطول الجبل
وصوتي عالي
=====
طارق السيد