أمنية شهيد ,,, بقلم ...السيد أنور إبراهيم

{{ أمنية شهيد}}
كفاياكى ياأما توجعينى

وبطول بكاكى تعذبينى

أنا عايزك بس توعدينى
علشان أزورك فى المنام
خودى منى ياأما كلمتين
فيهم حقيقى حسن الختام
قومى ياأمى وأسجدى........
وأدعيلى دايما فى العبادة
وبلاش دموعك وأحمدى
ولنار جروحك أخمدى
ومن إيديكى سيبى البيادة
حقك ياأمى تفرحى ........
وكفاياكى تانى تنوحى
أسمى لعلمك هنا............
ع الجنة مطبوع أنا ..........
مجند شهيد نال الشهادة
أنا والصحاب جار النبى
ومن سورية جنبى كم صبى
فى الروضة عايشين السعادة
ياأمى لية بس الندم ...........
أنا مستغطى بالعلم............
فرحان حقيقى بصحبتى
وبهدى البلاد قصتى .......
نولت الشهادة فى عزها
وكان الوسام على أرضها
وريحة تربها وزرعها......
جاية تزورنى فى تربتى
ياأمى عندى أمنية ......
سيبى البيادة وأفخرى
أبدا م كنت ضحية .....
كفاياكى دموع وأستغفرى
{{ أمنية شهيد }}
بقلم الشاعر/السيد أنور إبراهيم