وقالولي اخوكي تعبان/ بقلم /بقلمي هاله شوكت

وقالولي اخوكي تعبان
هيروح وهيعمل عمليه
قلبي من خوفه الغلبان
دقاته بقت زيده شويه
واهدي بقلبي ميهداش
واقوله اصبر حبه علي
يصرخ ويقول انا انسان
والا مه بتقطع في
والفكر يفكر في زمان
والقلب يعيش الحنيه
ومنين اجيبك ياامان
من غيره الدنيا مهش لي
وتلف الساعه ورا الساعه
والخوف يتمكن ببشاعه
ويخش اخويا العمليه
والقلب يدق ويتالم
واسكت قلبي بيتكلم
واقوله الصبر ميصبرشي
طب اعمل ايه فيه دلوقتي
وتعدي الثانيه ف كام ساعه
ويجيني الدكتور ويقولي
مبروك. عمليه ونجحت ياجماعه
والقلب م الفرحه يغني
والكل بيحضن ويهني
والكل بيشكر وبيدعي
يرجع لحبايبه بالف سلامه

احساس......
بقلمي هاله شوكت...اليوم