أنا إنسان/ بقلم /فـيـصـل بــدر

(( أنا إنسان )))
**********
أنا الجندى وانا الفلاح
أنا عصفور
وملكى الكون
لا انا عاقل ولا مجنون
أنا جامع
وصوت المادنه بيأدن
***
وانا كنيسه
أنا بلقيس
وانا مريم
أنا إدريس وانا موسى
أنا عيسى
أنا التوراه
وانا الإنجيل
وانا القرآن
أنا الإنسان
***
لا انا شاعر ولا كاتب
ولا فنان
أنا اللى الطِّب من ألمِى
يَأَس واحتار
وانا المنصور على الهكسوس
وألف تـتـار
أنا اللى العِـلم
من بُنيانى بِتْـعلِّم
وانا اللى كلامى رقم اتنين
ورا القرآن
***
لا انا شاعر ولا كاتب ولا فنان
أنا الإنســـــان
***
شـاعـر القريه
فـيـصـل بــدر