خواطر ! / بقلم /حسن رمضان

خواطر !
مجا ش فى نفسك مرة تطلَع بره نفسك كلهـــا ؟
وتقـــولها وتعيــدلهــا إنــك ماعُـدت تحبهــــــا
زهقت منها بعدت عنها عشان مخالفة لربها
ياما تعاندها وبتجاهدها تحن برضو لأصلها
...............................................
عمرك زهقت تكون فى جد ورحت قالب مهيَصَـــة
وكنــت وحـدك رحـت عامل زى فــرخـة مفَيَّصَـــة
وبقيــت تِهَبِّل فــى الكــلام وتهز نفسك مَهْيَصَـــــة
وفجأة راح باصص عليك حِشَرِى وقال دى كويسة
..............................................
فى يوم لجألك حد محروم وانت ماتملكش حاجة ؟
لفيـت علـى الناس الغنيــة وبعـد ماقلت الديباجة
ولا حــد قلبـه حـن ليه ولا قدَّرَك زى الخواجـــة
لعنــت فقرك و بُخْـلُهُم وقلـت دى أحـوال عواجة
..............................................
مخطرش يــوم إنــك تكــون حاكم بأمرك فى البلاد
تؤمر تُطاع وفى يوم وليلة تقضى على كل الفساد
والناس تلاقى مغاك سعادة وينتعش بيك الاقتصاد
وفجــأة تلقى صوت مراتك قوم عشان فات المعاد
..............................................
مجا ش فى بالك يوم يجيك الموت تغادر الحيــاه
ونـاس كتيــر تحــزن عليك وناس تقول خِلِصْنا ياه!
وذنوب كتير فى القبر تطلع واللى خفتُـه هناك تلقاه
تتمنــى تــرجع عشان تتــوب تلحــق تغيَّر الاتجــــاه
حسن رمضان 

ـ كبير باحثيت بالوعظ بالأزهر الشريف