مربعات ابن عبدالجواد

مربعات ابن عبدالجواد
*****************
شعر /محمد عبد الجواد
دمع الرجال مهره غالى
ينزل فى أوقات صعيبة
لو ندل فى قصره عالي
هيشوف اوقات عصيبة
*****************
الندل لن يسبق الضوء
كل عامايله غريبة
اصبر على جارك السوء
يا يرحل يا تاخده مصيبة
******************
الجرح فى السمعة يوجع
والناس طباعها غريبة
الندل تناديه لا يسمع
والربح بتاخده وتجيبه
*****************
اوعاك تصاحب العايب
ومعاه ابو اصل واطى
لو شاف زمانك معايب
بيبقى عايزك تطاطى
*****************
اللى ما بزعل عشانك
اوعى تصدق كلامه
لو هو فى الاصل صادق
كان صانك لحظة خصامه
*******************
الدنيا زى السواقى
تطلع فى عالى وفى واطى
والندل ارضه شراقى
طول عمره عايش يطاطى
********************
اوعى تكون مرة خاين
ما تبيعشى صاحبك يايدك
خليك بقى للعشرة صاين
فى وقت الأزمة يشيلك
*******************
ياقلمى اظبط حروفك
خليك حنين وفايق
ودارى حزنك وخوفك
الروح بأيد اللى خالق
***************
اوعى تأمن لخاين
وتخلي روحك فى ايده
فى قلبه ناصب كماين
لازم تقطع جريده
******************
الحر لو مال زمانه
يعيش ورافع فى رأسه
وقليل الاصل اللى خانه
ما يساوي غرزة فى مداسه
***************
خليك على الجمر قابض
واوعى اللى منك يسيبك
لو قلبه بالحب نابض
الشر ما فى يوم يصيبك