شدي رحالك/ بقلم /هدي غريب

شدي رحالك...
ياقلوع القلب شدي
مابقاش شراع الهوي
محكوم علي قدي
بعد ماغرقنا عرفنا
والامر ماهوش بيدي
يانبض غرقان ف البحور
ماتقول لموجك يهدي
يمكن حبيبي يشوفني
غرقان فاياخد بيدي
شدي رحالك كده
او غيري ف طريق
يمكن الاقي الحظ
يبقي احن صديق
تتصلح الاحوال
واشوف ف فرحي رفيق
يتوج القلب
علي عرش الزمان
يمكن يكون مكتوب
يمكن يكون وعدي
شدي رحالك
ياقلوع القلب شدي
هدي غريب