يا رقه................
بقلم
محمد لطفي ابو الفتوح
يا رقه ……..
يا غصن الشجره ليه تميل
ليه ضلك عليه كتير
.
يا روح القلب يا جميل
غيابك عليه خطير
.
ياورقه بضله محتاجلك
صوت النسمه بيقولك
الشمس حارقه علي حبيبك
.
يارقه ردي بندهلك
يا احلي رسمه علي مهلك
ارجوكي عيدي ترتيبك
.
محتاج اكون انا جنبك
محتاج اطير علي جناحك
بدونك ريشي متقصقص
.
لو اموت حيكون دا ذنبك
راضي لو لاجل افراحك
بس كوني ليه متنفس
.
يا رقه رفرفي بهواكي
خلي عطرك ليه يفوح
.
محتاج اكون في سماكي
عصفور بيغرد بالصبوح
.
واكمل غنايه بغناكي
لما اسمع صوتك برتاح
.
عشي بيكي في العالي
مبني في حضن الامان
.
ارجوكي يا غاليه تعالي
حضني لحضنك عطشان
.
دوبت في سهر الليالي
ودوبيتني الدموع والاشجان
.
يا غصن الشجره يا عالي
محتاج لضلك والحنان …
محتاج لضلك والحنان….
#ابوبودي
محمد لطفي ابو الفتوح
ليست هناك تعليقات:
إرسال تعليق