طب اقولك ايه / بقلم /عادل على

طب اقولك ايه
وانت بعمايلك
ظلمت قلبى وجنيت عليه
انا لسه باقى على اللى كان
على حب اقوى من الزمان
ماهو كل عاشق
غاب حبيبه فى النهايه بيلاقيه
ماهو كل عاشق
من البدايه نصيبه بيدور عليه
وإن جه الفراق وخد حبيبه
ويا القدر هنعمل ايه
متقولش ليه .. !
بلاش تفارق قلبى لو بتخاف عليه
ليه قلبى شارى ولا انت دارى باللى فيه
كان نفسى أحس لو مره بس عطفك عليه
بعد أما صدق ليه كلامك لعبت بيه
بلاش تكون ويا الزمان جايين عليه
طب اقولك ايه
لسه الحكايه فى البدايه بعدت ليه
بتقول شارينى
طب ليه ناسينى
ولو فاكرني
ليه هجرت قلب
كنت انت ليه كل اللى ليه
ولا اى حب فى الدنيا ابدا غير حبك انت
كان بيساويه
والغياب كده سهل عندك
ازاى ... وليه .. !!
انا ياما قلبى سالنى عنك
وازاى .. نسيته ده حته منك
ياما عشت عمرى
اتمنى قربك والوصال
كده فجاه ليه
أن أبقى جنبك بقه شىء محال
ومفيش اجابه ...؟
وعندى ليك مليون سؤال
لو لسه ليا ولو شويه حب عندك
لو لسه ليا ولو شويه شوق فى قلبك
جاوبني قوللى ليه بترضالى العذاب
ليه حلم عمرى اللى بنيته فوق السحاب
فجأه وهواك اللى عشقته
الاقيه سراب
طب اقولك ايه
ابقى افتكرنى وافتكر أيام زمان
ابقى أفتكر
ليالينا والشوق والحنان
وللا خلاص --- ونسيتنى
و نسيت اللى كان
طب اقولك ايه
.
.
.
.
.
.
بقلمى ---

 عادل على