(((( دعـوة أُم ))))
الله يجْحِم عبعال
ولا عدتش تبعت يا سفيه
شرايط ولا جوابات
أصل القلب
ما عدش هيفرح بكلامك
ولا ايدى
عادت تتمد فى يوم لسلامك
يحرم على جوفك
قوت ايدى يا عبعال
اياكش نسيت
انك كانلك فى القلب مكان
تحرم على عينى الدمعه
فى موتك يا جبان
النبى غضبانه عليك
واحنا فى أول رمضان
قلبى ماهو مطاوع
تطلع منه الدعوه يا عبعال
قالبك طاوعك بعد الشيبه
تشرمطنى يا قـَوَّال
انى ها ادعى ان شا الله
تكون ابواب السما مفتوحه
روووح
اياك تِرْجَع شايلينك ع الاكتاف
ولا تفرح يوم بشبابك
ولا يسْمَّالك مولود
يجعل خطاويك
فى الشر طويله ومالها حدود
اياك ما تعيد على وش الدنيا
يا عبعال
النبى كرهاك
والواد بسيونى ها اوصيه
يوم مُوتى
ما تمشيش ورا نعشى
***************
شـــاعر القــريه
فــيصـل بــدر
ليست هناك تعليقات:
إرسال تعليق