احكي يا شهرزاد
عن الفساد .
اللي انتشر في البلاد
اللي بيسرق حق الغير
واللي تملي ضد الخير
واللي بيمشي في عكس السير
وبيهلك في طريقه كتير
واحكي تاني يا شهرزاد
ع اللي بيتربح من شغله
واللي النصب دا أكبر همه
واللي بيتهرب من عمله
وما بيخافشي يا ناس من ربه
احكي وقولي يا شهرزاد
ع اللي بيبني في أرض زراعه
واللي بسببه هنبقى جواعه
ونمد أيدينا لجيرانا
وتضيع كرامتنا المنصانة
احكى وقولي يا شهرزاد
اللي معاه يحتكر السلعة
علشان بكرة يبيعها مضاعفة
والغلبان مش لاقي الدقة
والعيشة صعبة وسط ديابة
واللي بيفكر ياكل التاني
وكأننا عايشين في الغابة
واحكي تاني يا شهرزاد
قلم
# أم كلثوم صلاح#
ليست هناك تعليقات:
إرسال تعليق