يامصرى/ بقلم /تامرابوهيبه

قصيده جديده تعبر عن حالنا وواقعنا المُرْبعنوان ((((((((يامصرى)))))))
صباح الغم ..... يامصرى
ياابوالعيشه فهباب عصرى
صباح الغم والتخريب
صباح الغم والارهاب
على الحزن اللى جاى اصلى
صباح الحزن ع الاموات وع الاخوات
وع الخطر اللى جاى يجرى
بيتواعد لنا الخلافات
وع الهفوات ومن بدرى
صباح الغم ..... يامصرى
ياابوالعيشه فهباب عصرى
صباح الغم على حالنا اللى مايُسرٍش
صباح الغم على حالنا اللى صار يروش
على الشهدا اللى مالها ذنوب
وع الخاين اللى ماهايتوب
صباح الرٌعب ويالخوف
وانا ماشى من الارهاب
وعندى سؤال محيَرنى وماله جواب
لإمتى نعيش فى وسط الخوف بدون اسباب ؟
صباح الغم ..... يامصرى
ياابوالعيشه فهباب عصرى
صباح الغم يامصرى لوقف الحال
صباح الغم على ولدى اللى مات مقتول
صباح الغم يامصرى على انتاج
صبح ................... مشلول
صباح الغم ع الخيبه اللى بالويبه
ومالها................... حلول
صباح الغم على شدَه ولها حدًه
وامتى .............. تزول
صباح الغم ..... يامصرى
ياابوالعيشه فهباب عصرى
صباح الغم ع الفاشل وع الخارم وبطلنجى
صباح الغم ع العطلان وع الخيبان وبرشمجى
صباح الغم ياحكومه مالك قومه من النومه
وبطاله وعيشه ملجومه
وشباب ضايع عايش صايع
فى دنيا شبه دوامه
ولو هنعيش بدون تصحيح لاوضاعنا
هقولهالكم وميت نوبه
صباح الغم ..... يامصرى
ياابوالعيشه فهباب عصرى
صباح الغم
شعر \\\\\\\ تامرابوهيبه