جمالى فداك/ بقلم /هدى سيد

قصيدة / ( جمالى فداك )
بقلمى / هدى سيد
٢٠١٦/١١/٦

ومين غيرى هيعملها
اعيش العمر علشانك
اطيب لك ف آلامك
واضحى بأغلى ما عندى
وأقول افديك وأنا بدالك
ولو تطلب جمالى يروح
عشان ما ترد فيك الروح
فداك روحى فداك عمرى
فداك كلي يا سيد قلبى وإيه الفايدة ف جمالى
لو عينك ما تنظر لوش
وتتملا وتتغزل وتكتب
فيه قصايد شعر
ولو تنزف جروحك دم
اداويها بجدايل الشعر
وايه هيفيد جمال شعرى
وأنا لجرحك هاموت
م القهر
جمالى فداك يا روح روحى
تعيش لى سليم ومتعافى
و يكفى حضنك الدافى
اعيش فيه ف الزمان الصعب