رسالة حب / بقلم /هدي غريب

رسالة حب ***
رسالة حب ببعتها
تقولك قلبي بيك سعيد
وباشتاقلك وانا ف قربك
وباشتاق وانت عني بعيد
وبتمني اكون جنبك
تضمني ..تهنيني
دي ضمه واحده من قلبك
تطفي اشواقي وحنيني
تعالي نبتدي حياتنا
وننسي اللي عدا وراح
ونحكيلهم حكايتنا
حكاية قلب بيك ارتاح
يشوفو الحب ف عنينا
نرسم في الهوا افراح
وتتكتب اسامينا
علي ورقة شجر فواح
تعطر اللي حوالينا
وتشفي قلوب من الجراح
ودي رسالتي حبيبي ليك
بقولهالك في يوم العيد
بحبك كل يوم اكتر
ولو في حياتي عمر جديد
يحبك قلبي لو يقدر
يحبك ونبضه يبقا سعيد
هدي غريب