بهرني حرفك/ بقلم / اميرة مجدي

بهرني حرفك
بقلم

 اميرة مجدي

أنت روعة
ايوة روعة

لما تكتب بالبراعة
العالي دية
تبقي روعة

تبقي فعلا حد
صادق في مشاعره
مش ملاوعة

لما يبقي الحرف
ناطق ع السطور
بالجمال ده ‏
تبقي ايه

لما تؤمر القلم
أكتب فيكتب

واما يكتب ‏
يبقي خايف انه يكدب

ما يلاقيش قدامه ‏
غير انه يصدق
تبقي ايه

لما تترص الحروف ‏
جنب بعض بكل خوف
خايفة تعصي لك اوامر
تبقي ايه

تخرج الكلمات
في أحسن ‏
صورة ليها

والقي عيني ‏
تنبهر لما تلاقيها
تبقي ايه

والقي أيدي ‏
بتكتب الكلمات
وهي معجبة

عاوزة تشكر
فيك حروفك
اللي خارجة مرتبة

عاوزة تدي التحية
والتقدير لاجمل موهبة
تبقي ايه

تبقي فعلا أنت روعة
والله روعة